تقدمت المواطنة بشرة دزيري بإشعار حول تعرضها لعملية اقتطاع من مرتبها بقيمة 25 د في شكل ادخار لمدة 5 سنوات من قبل بنك تونس العربي الدولي الBIAT  دون ان تطلب ذلك.

وقالت بشرة انها تحصلت على قرض من فرع البنك المذكور بمجاز الباب   لكنها تفطنت انه يتم اقتطاع 25 د شهريا من رابتها الشهري بعنوان ادخار على مدة 5 سنوات، وعندما اعترضت على  الامر تم اعلامها ان الادخار اجباري في اطار عملية القرض. واضافت بشرى انها اصرت على رفض الادخار فتم اعلامها انه لأي مكن الغاء العقد الا بعد سنة.

 وبعد السنة تقدمت بشرى بمطلب اعتراض فتم التوقف عن الاقتطاع من اجرها، لكنها الي  اليوم لم تسترجع المبلغ الذي تم اقتطاعه والمقدر ب300دينار رغم مرور 8 اشهر. 

نص الاشعار:

باش نحكي على تجربتي مع بنك BIAT فرع مجاز الباب.
الحكاية بدأت وقت الي جيت باش ناخو قرض في جانفي 2020 تزرفلي ورقة الي تخدم في الاجونس ما قتليش عليها فيبالي تابعة اجراءات القرض العادية و الورقة هاذي contrat باش يقصولي كل شهر 25 د من شهريتي ادخار مدة 5 سنوات و ما تنجم تاخوهم كان بعد ب 5 سنين فقت بيها الفازة كان بعد ما بداو يقصولي كي مشيت سألت قالولي راهي إجبارية هاذي مع القرض(ما فهمتش علاش إجبارية وقت الي فما بنوك اخرى يسألوك قبل) سألتهم علاش ما قلتوليش ما نقبلش بيها و مانحبش ندخر و نهارت الي ندخر توا ندخر وحدي الحاصيلو قالولي ما تنجم تلغيه العقد كان بعد بعام ياسيدك بنسيدك عملت عام و مشيت هزيت مطلب في جانفي 2021 و خلصت عليه فلوس في القباضة ماعادش يقصو لكن الفلوس الي جملتهم عام كامل والي هوما 300د توا 8 أشهر ماشية جاية عليهم ما صبولي حتى فرنك كل مرة يحكولي حكايةنحب نعرف وين متعطلة الحكاية؟ علاش ما تصبت الفلوس؟؟؟ شنوة الي صار؟؟؟ الله اعلم
بالرسمي تعبت من امشي، ايجا، هانا نحاولو، توا نكلموك…. وفي الاخر اليوم نكلمهم يقولولي قاعدين نعملو في enquête على حكايتك توا هذا كلام بعد 8 شهور نستنا يخسرو عليك كلمتين .

تعليق حر
مقالات ذات صلة

لا ردود حتى الان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *